Cronfa Llesiant Cymunedol

Er enghraifft prosiectau sy’n gwella neu’n gwarchod yr amgylchedd lleol trwy dirlunio, plannu coed brodorol, prosiectau bioamrywiaeth eraill, adfer / adnewyddu nodweddion o ddiddordeb lleol neu brosiectau sy’n datblygu sgiliau traddodiadol priodol.

Er enghraifft, digwyddiadau llesiant cymunedol sy’n canolbwyntio ar gynyddu dealltwriaeth y cyhoedd o’r amgylchedd lleol, neu hanes a threftadaeth ddiwylliannol y Parc Cenedlaethol a’i gymunedau.

Er enghraifft, gweithgareddau neu brosiectau gan gynnwys byrddau gwybodaeth, cylchlythyrau cymunedol, rhaglenni mentora a datblygu ieuenctid, gerddi cymunedol, gwyliau celfyddydau a diwylliant lleol, digwyddiadau iechyd a lles cymunedol, rhaglenni cynaliadwyedd megis mentrau diwastraff.

Yn 2025, derbyniodd y Ganolfan Dysgu Awyr Agored Pen y Bryn grant o £473.40 gan ein Cronfa Lles Cymunedol i gynnal sesiynau nofio gwyllt yng Ngwynedd. Defnyddiwyd y cyllid i ddarparu offer diogelwch hanfodol, talu am yswiriant y prosiect, ac ariannu treuliau gwirfoddolwyr.

Wedi’i arwain gan unigolyn mewn adferiad o gaethiwed, cefnogodd y prosiect 47 o bobl leol hefyd mewn adferiad. Cynhaliwyd y sesiynau rhwng Hydref 2024 a Mawrth 2025 yn Llyn Padarn ac Afon Ogwen.

Derbyniodd y prosiect cymunedol ‘Lle i enaid orffwys’ gefnogaeth gan ein Cronfa Llesiant Cymunedol i drawsnewid rhan o Gae Brenin Siôr V yn Harlech.

Defnyddiwyd y grant i blannu bylbiau a blodau gwyllt brodorol Cymreig, gan gefnogi rhywogaethau prin a chreu lle heddychlon i’r gymuned. Fe’i dyluniwyd gan fyfyrwyr Ysgol Ardudwy ac fe’i gwireddwyd gan dîm ymroddedig o wirfoddolwyr – gan droi’r ardal yn hafan fywiog i bobl a bywyd gwyllt.

“Ni fyddai’r prosiect hwn wedi bod yn bosibl heb grant Lles Cymunedol Parc Cenedlaethol Eryri,” meddai Joe Patton, Arweinydd y Prosiect, “Mae wedi gwneud gwahaniaeth gwirioneddol i’r amgylchedd ac i bawb sy’n ymweld â lle arbennig hwn.”