Cynhelir Cyfarfodydd yr Awdurdod ar sail ‘hybrid’ a caiff aelodau o’r cyhoedd fynychu mewn person os y dymunant. Caiff cyfarfodydd eu gwe-ddarlledu yn fyw a bydd recordiad ar gael i’w wylio’n ôl.
Mynychu Cyfarfod yr Awdurdod mewn person
Cynhelir Cyfarfod yr Awdurdod ym Mhlas Tan y Blwch, Maentwrog. Gallwch fynychu’r cyfarfod mewn person drwy ymweld â’r Plas ar y dyddiad y cynhelir y cyfarfod.
Gwe-ddarlledu a recordiadau
Gwe-ddarlledir Cyfarfodydd yr Awdurdod yn fyw ar sianel YouTube Awdurdod Parc Cenedlaethol Eryri. Gellir hefyd gwylio recordiad o’r cyfarfod yn ôl.
Cyfarfodydd
Bydd yr Awdurdod yn cyfarfod drwy gyfrwng y Gymraeg gyda chyfleusterau cyfieithu ar y pryd.
- 14 Mehefin, 2023 am 10:00yb (Cyfarfod Cyffredinol Blynyddol)
- 13 Medi, 2023 am 10:00yb
- 15 Tachwedd, 2023 am 10:00yb
Mae hyd at dair blynedd o raglenni Cyfarfodydd yr Awdurdod ar gael ar y wefan hon. Cysylltwch â’r Awdurdod os hoffech chi gopi o raglen sy’n dyddio’n ôl dros dair blynedd.
Recordiadau Cyfarfodydd yr Awdurdod
Mae Cyfarfodydd yr Awdurdod yn cael eu cynnal ar sail ‘hybrid’. Mae recordiadau o’r cyfarfodydd yn cael eu huwchlwytho i sianel YouTube Awdurdod Parc Cenedlaethol Eryri.
Ymholiadau gan Y Wasg
Os oes gennych ddiddordeb mewn unrhyw eitem sy’n ymddangos ar Raglenni Cyfarfodydd yr Awdurdod, gallwch dderbyn rhagor o wybodaeth neu drefnu datganiad drwy anfon ebost at gwen.aeron@eryri.llyw.cymru neu ioan.gwilym@eryri.llyw.cymru.
Aelodau’r Awdurdod
Mae rhestr o aelodau’r Awdurdod ar gael ar dudaeln Aelodau a Staff.
Hawl i’r Cyhoedd Holi
Mae’r Awdurdod yn clustnodi hyd at 20 munud ar ddechrau ei gyfarfod i roi cyfle i aelodau’r cyhoedd ofyn cwestiynau penodol sy’n ymwneud â gwaith yr Awdurdod (ac eithrio ceisiadau cynllunio) sy’n berthnasol i ddyletswyddau a phwrpasau’r Parc.
Rhaid cyflwyno’r cwestiynau’n ysgrifenedig (trwy’r post neu e-bost) i’r Cyfarwyddwr Gwasanaethau Corfforaethol o leiaf 7 niwrnod cyn y cyfarfod.