Eryri yw’r pedwerydd Parc Cenedlaethol mwyaf o fewn teulu’r DU ac mae’n ofynnol yn gyfreithiol iddo gyflawni dau bwrpas statudol:
- Gwarchod a gwella harddwch naturiol, bywyd gwyllt a threftadaeth ddiwylliannol yr ardal.
- Hyrwyddo cyfleoedd i’r cyhoedd ddeall a mwynhau rhinweddau arbennig y Parc Cenedlaethol.
Mae gennym hefyd ddyletswydd i geisio meithrin lles economaidd a chymdeithasol cymunedau lleol o fewn y Parc.
Mae’r diddordeb a’r amrywiaeth o weithgareddau a digwyddiadau elusennol, hamdden a threfniadol wedi cynyddu yn ystod y blynyddoedd diwethaf ac mae nifer fawr o sefydliadau ac elusennau yn gwneud defnydd llawn o’r awyr agored yn Eryri – yn enwedig ar Yr Wyddfa ei hun.
Bydd y ddogfen hon yn cynnig cyngor ymarferol i drefnwyr digwyddiadau ar sut i ymgymryd â’r gweithgareddau hyn mewn ffordd ddiogel, gyfrifol, gynaliadwy ac effeithlon fel nad ydynt yn niweidiol i bwrpasau’r Parc Cenedlaethol ac er mwyn sicrhau bod y rhinweddau arbennig hyn yn cael eu cynnal.
Canllawiau ar gyfer Digwyddiadau Cystadleuol, Hamdden ac Elusennol
Canllaw Llwybr Llanberis ar gyfer cerddwyr a digwyddiadau bach
Cofrestru eich digwyddiad
Yn 2021 treialodd Awdurdod Parc Cenedlaethol Eryri rhaglen beilot ar gyfer cofrestru digwyddiadau. Mae’r wybodaeth yma yn mynd i’n galluogi ni annog trefnwyr digwyddiadau i gysidro cynnal digwyddiadau ar draws y tymor, yn enwedig yn ardal Yr Wyddfa. Mi fydd hyn yn gyfle hefyd i ni rannu negeseuon o flaen llaw gyda trefnwyr digwyddiadau yn enwedig ar fynydda diogel, trafnidiaeth gynaladwy a rheoli sbwriel.
Os yw eich grŵp neu fudiad yn cynllunio digwyddiad ar Yr Wyddfa neu Eryri, defnyddiwch y dolenni isod i gofrestru. Ni fydd y manylion hyn yn cael eu rhannu, maent at ddefnydd mewnol yn unig.
2024: Cofrestru ar gyfer digwyddiadau yn Llanberis a’r Wyddfa.
2025: Cofrestru ar gyfer digwyddiadau yn Llanberis a’r Wyddfa.
Am fwy o wybodaeth ynglyn a threfnu digwyddiad yn Eryri cysylltwch gyda Peter Rutherford ar 01766 772258 neu peter.rutherford@eryri.llyw.cymru