I ddathlu Dydd Gŵyl Dewi, mae Yr Ysgwrn yn falch o gyhoeddi diwrnod cyffrous o weithgareddau creadigol a diwylliannol ar 1 Mawrth, ynghyd ag Noson Sgratsh arbennig gyda’r nos. Mae’r digwyddiadau’n cael eu cynnal gyda chymorth hael Gronfa Cymorth Peilot Dydd Gŵyl Dewi 2026.
Wedi’i leoli yng nghartref hanesyddol y bardd Hedd Wyn, bydd YrYsgwrn yn croesawu ymwelwyr am ddiwrnod llawn gweithgareddau sy’n dathlu diwylliant, iaith a chreadigrwydd Cymru mewn awyrgylch cynnes a chymunedol.
Dathliadau Dydd Gŵyl Dewi: 10:00–15:00
O 10 y bore tan 3 o’r pnawn, croesawir ymwelwyr i ymuno mewn amrywiaeth o weithgareddau hwyliog ac ysbrydoledig:
- Crefftau gyda Eirian Muse – gweithdai creadigol addas i bob oed.
- Sesiwn gerddoriaeth gyda Huwcalale – cerddoriaeth fywiog a rhyngweithiol.
- Barddoniaeth gyda Mali Elwy – sesiynau barddas a pherfformiadau gwefreiddiol.
- Perfformiad gan Rhiannon O’Connor (Y Llais) – canu byw mewn awyrgylch arbennig.
- Teithiau tywys o amgylch y tŷ hanesyddol – cyfle i ddysgu mwy am fywyd a threftadaeth Hedd Wyn.
Mae’r diwrnod yn addo bod yn ddathliad cynnes a chymunedol o ddiwylliant a chreadigrwydd Cymru.
Noson Sgratsh: 18:00–20:00
Bydd y dathliadau’n parhau gyda’r nos gyda Noson Sgratsh, lle bydd actorion a thramodwyr lleol yn ysgrifennu, cyfarwyddo a pherfformio darnau newydd sbon. Bydd y noson yn cynnig adloniant gwreiddiol, cyfoes a difyr i’r gynulleidfa.